Jæja gott fólk, ég hef tekið ákvörðun og er farin til http://monsaskons.blogspot.com/

Verið velkomin þangað

Jæja já.. góðan daginn LíF. Nú get ég tekið gleði mína á ný og litið dagsins ljós, próf-draslið er að baki. Get farið að taka til á ný, vinna, henda gömlum blöðum, horfa á sjónvarpið, setja í vél og stunda almennt slæpingslíf. Ahhh.. hvað frelsið er gott 
Mér gekk bara ágætlega í prófinu, svo fékk ég líka 8,5 fyrir verkefnið svo þetta lofar ansi góðu hjá mér.

Yemin eini ég átti svo auðvitað frábært kvöld í gær. Kom heim úr prófinu og hlammaði mér beint fyrir framan sjónvarpið – Hey Herra Ísland. Allaf gaman að sitja í dómarasæti og stúdera mis-flotta og -klára kroppa. Sigrún Bender rosa sæt skvísa og flott til höfð, en ég hefði ekki lagt í að frumraunin yrði í beinni, það eru alltof margar reglur sem þarf að komast uppá lagið með fyrst, eins og td. að hlusta á viðmælendur og þakka fyrir.... úps !. En Jeddúmía.... er ekki lágmark að dobbul-tékka hvort allir keppendur séu ekki örugglega búnir að fá úthlutað símanúmer þar sem keppnin gengur 100% útá símakosningu ????? Nei..... það gerðist...... Skandall ÁRSins, váá hvað þá á eftir að hlæja mikið að þessu. Það klúðraðist, einn gæinn og nota bene sætasti gæinn fékk ekki úthlutað númer... " Og það eina sem við getum sagt er að okkur þykir þetta mjög leitt, og eitt klapp á öxl" Nei nei gæinn bara búinn að púla í 6 mánuði, liggja í ljósum og brúnkuklefum og ég veit ekki hvað og hvað, en hey .. sorry ! Og sá sem vann, gekk á tveimur símanúmerum..... EN ekki HVAÐ ????? og vinnur titilinn á röngum forsendurm...æjæjæjæ !! Við Þóra og Hulda Dögg hlógum svo mikið þegar ég áttaði mig á því að gæinn sem birtist helmingi oftar en allir hinir á skjánum var í þann mund að vera krýndur. Við töpuðum okkur gjörsamlega...........


Heyr heyr Skjár Einn !!

Úff... ég verð nú bara að viðurkenna að þessi kúrs í HR er frekar þungur, farið yfir mikið efni, 3 einingar á aðeins 5 vikum.
En góðu fréttirnar eru að mér finnst þetta skemmtilegt og gott að finna þá tilfinningu aftur sem fylgir því að geta leyst eitthvað dæmi eða skilið hreinlega hvað verið er að tala um. Maður er nefnilega alltof góður við sjálfan sig.

Síðustu dagar hafa verið frekar óvenjulegir á heimilinu því nú er allt í akademískum hugsunarhætti, venjulega slökkt á sjónvarpinu, við með heita umræður um námsefnið undir stjórn Andra í Írafár og Jóni Axeli. Andri er góður kennari og er að eigin sögn hrokafullur eðlisfræðingur sem segir að Viðskiptafræðingar kunni ekki neitt því þeir eru svo lélegir að reikna. Hann stjórnar okkur harðri hendi og heimsækir okkur tvisvar í viku í einkakennslu. Að því tilefni hefur Júlli fest kaup á forláta tússtöflu :). Svo er Jón Axel orðinn Viðskiptafræðingur við þennan skóla og er líka að hjálpa okkur mikið. Honum finnst þetta voða krúttlegt allt saman hjá okkur og er alltaf að tala um að við verðum að festa þessar stundir á filmu ...... við ungu sætu hjónin.., með litlu sætu tússtöfluna að læra í litlu sætu íbúðinni okkar... ég veit ekki.... mér finnst þetta ekkert svona rómantískt .... voðalega ertu meyr Jón minn.

Ég er ástfangin af Slóveníu. Þetta land er alveg frábært... bara eins og að koma heim........ Í ljúblijana höfuðborginni þar sem við vorum, búa svipað margir og á ísland. Allt er samt einhvernveginn rólegra og svo finnur maður mjög sterkt fyrir fortíðinni því það eru margar gamlar og glæsilegar byggingar og mannvirki innan um önnur gömul og ný. Fólkið er yndislegt, maturinn frábær og verðlagið er náttúrlega bara djók. Gjaldmiðillinn í Slóveníu heitir Tollar og eru þá 1000 tollar um 300 kr íslenskar. Verðin þarna úti á fötum og slíku er svipað og heima nema við deilum með þremur, ekki slæmt. Þetta þýðir að þegar maður verslar er eins og maður sé að fá 70 % afslátt. Þetta þýddi að við versluðum og versluðum og versluðum... alveg geðveikt :) !!!!

Hótelið sem við vorum á ER truflað. 5 stjörnu lúxus með þjónum útá götu og útum allt. Housekeeping tvisvar á dag sem var ekki lélegt.. enda nauðsynlegt sé ég núna að fá þernur til að gera mann kláran fyrir svefninn :).Hótelherbergið var glæsilegt í alla staði með 42 " plasma sjónvarpi þar sem maður gat farið á netið, horft á sjónvarpstöðvar og bíómyndir ótakmarkað og það var FRÍTT AÐ HRINGJA Í HEIMASÍMA !!! Við voru 6 saman og nýttum ferðina rosalega vel. Reyndar bættist við skemmtilegt par sem var mikið með okkur um helgina. Fórum í 2 skoðunarferðir sem var rosalega skemmtilegt. Alveg sama hvað við gerðum, við vorum alltaf að tauta og raula yfir því hvað allt væri frábært og æðislegt. Við vorum reyndar spurð hvað hafi eiginleg gerst á Íslandi, sem olli því að við færum hingað. Allt í einu fullur bær af Íslendingum :)

Á hótelinu er tyrkneskt spa. Okkur stóð nú ekki alveg á sama þegar okkur var tjáð að sundfatnaður væri óþarfur og reyndar bannaður. En við ákváðum samt að slá til því við vorum búin að panta 80 mín. thai nudd. Jemin eini hvað þetta var geðveikt. Áður en við fórum í nuddi var prógramm í spa-inu. Fyrst var farið í sundlaugina (allsber) sem er fylgir reyndar alveg ótrúlega mikil frelsistilfinning... og svo var farið í blautgufu, þurrgufu og tyrkneska gufu en alltaf á milli átti maður að fara í mentol-úða-sturtu sem er þvílíkt þægilegt og svo átti maður að skrúbba líkamann uppúr ís-kurli sem spýttist úr röri ofaní flott ker. Það að hita og kæla líkamann til skiptist hefur sótthreinsandi áhrif á líkama og sál. Eftir þetta treatment stauluðumst við inní nuddið þar sem maður var lagður á stóra dýnu á gólfinu og nuddaður bak og fyrir af ungum tælenskum stelpum.

Ég segi núna bara spánn my ass !!! glætan að maður fari nokkurn tímann aftur á túristastað þar sem eina takmarkið er að láta mann eyða peningum. Það er pottþétt að við ætlum aftur til Ljulbliana... ég get ekki beðið... langaði ekkert að koma heim.

Reynar erum við að fara til Litháens 11. nóvember. Ég er mjög spennt yfir því hvernig sú ferð verður :)

Endilega láttu vita af þér með því að setja inn komment eða skrifa í gestabókina :)

kv. Skons

Er að fara til Slóveníu eftir 4 daga.. ohh hvað það verður gaman, verðum í 4 daga og ætlum að vera alvöru túristar. Gistum á 5 stjörnu hóteli með öllu tilheyrandi umm.. hvað þetta verður næs.... Lúxusherbergi með plasma og allskyns flottheitum. Heilsulind og spa er á staðnum ásamt flottum veitingastað og meira segja spilavíti. Við Kata erum búnar að ákveða að mæta þangað í galadressi með feld um hálsinn og fjaðurhatt með peningabúntinn á milli brjóstanna. Við ætlum sko að spila ferðina okkar til baka !!! Sjá

Það veitir víst ekki af því svo er maður að fara aftur út 11. nóvember, þá förum við fólkið í vinnunni til Vilnius í Litháen, þar ætlum við að skála í kampavíni og skemmta okkur eins og alvöru fólki sæmir. Þetta kallar maður sko árshátíð í lagi !

Svo er ég ótrúlega ánægð með að vera komin inn í Háskólann í Reykjavík. Byrja 11 okóber í einum 3ja eininga áfanga sem kallast Fjármál fyrirtækja :)

Bless í bili kv. Monsa

Finnst það nú alveg við hæfi að setja inn eina mynd svona í tilefni dagsins að við eru frægustu brúðhjón dagsins í dag. Það fá allir sýnar 15 mínútur hvort sem menn líkar það betur eða verr.



....Nei ég vissi ekki af þessari mynd þegar ég fletti DV í dag frekar en hver annar. En ég veit ekki með commentið frá Júlla yfir þessu " Nú vita allir að við erum hjón " ......eða öll þau 20 % sem fletta DV.

Þá er demantsgljáða honnímúnið að baki og maður kominn aftur í gráan hversdagsleikan.

Nokkrar myndir af okkur "hjónum" (Og nú segi ég það með sönnu) eru komnar á síðuna hjá Undrabarninu www.gassi.is undir Brúðkaup 2.

3 september var snilldar dagur og ég er ekki frá því að þetta hafi verið skemmtilegasta partý sem ég hef farið í :) Þökk sé öllu því frábæra fólki sem sem áttu þátt í að gera þennan dag ógleymanlegan... og að sjálfsögu okkur líka því við erum líka frábær, og kokkarnir og allir hinir viðskiptamennirnir :) ...... ég var einmitt að spá í því .... það hlýtur að borga sig að stofna kennitölu í kringum svona brúðkaup... þetta er rosa útgerð þegar maður vill halda góða veislu.

En við ráðum alveg við þetta .... erum svo rík.......................... af ást.

Vinsældir mínar ætla engan endi að taka..........................

Júlli bað mig um að taka með sunddót í vinnuna svo við gætum gert okkur glaðan dag þegar Jóhann kemur eftir vinnu. Jújú ég hlýddi því með bros á vör.

Júlli bað mig um að fara heim og vera tilbúin kl.16.50 svo við gætum verið komin tímanlega til að fara á stúss með Óla Bogga (klippimaster). Jújú... ég hlýddi því enda kann vel að meta slíka tímastjórnum og skipulag. Ég var líka rosa ánægð yfir áhugasemi hans á yfirvofandi búðarölti.

Svo erum við að keyra niðrí bæ, þá tekur frú stórn og stýra við.

M:" þú gleymdir að beygja".....

J:"Nei Óli sagði mér að koma aðeins yfir fimm"

M:" Ekki fara svona langt niðrí bæ, beygðu hér"

J: "Það er ekkert hægt að komast héðan niður á Laugaveg"

M:"Jú víst ! "

Svo keyrðum við í smá tíma...

M: JúLLI !!!! ÞÚ ERT KOMIN FRAMHJÁ HÁRGREIÐSLUSTOFUNNI, HVAÐ GENGUR Á.... HVERT ERTU AÐ FARA????"

J: " Hann sagði mér að koma aðeins yfir fimm, ég nenni ekkert að hanga þarna yfir honum þegar hann er að klippa"

M:" Hvað er að þér...klukkan Er yfir fimm.....átta mínútur yfir... við getum bara fengið okkur kaffi á meðan hann klippir "

J: " Viltu kaffi..... ég skal bjóða þér uppá rómantískt kaffi..."

Svo keyrir hann niður í Wc Laugum og hringsólar á bílastæðinu í dágóðan tíma þangað til hann fær lokst stæði rétt hjá húsinu.

J:"Taktu sunddótið þitt með"

M: " Ha erum við að fara í BAðstofuna... ætlum við að hitt óla þar.... höfum við einhvern tíma í þetta....hvað með Jóhann....."

M: " Hvar er sunddótið þitt ? "

J: " Ég fæ bara lánað"

M: "LÁNAÐ !!!.....hva.. gast þú ekki tekið dótið með þér eins og ég... við ákváðum þetta nú í gær....þú ert alveg ótrúlegur"

J: " Æi stelpum finnst svo vont að fá lánað... en það er ekkert mál fyrir mig "

M: " ???????" ég fussa og sveia.

J: " MONIKA.........SLEPPA!!!!!!!


Þá erum við komin inní húsið og tarrarraaaa....................SURPRISE !!!!!

Þóra, Hulda dögg og Stella mættar á svæðið með bakka fullan af súkkulaðihúðum Jarðaberjum og tilbúnar að fá mig lánaða það sem eftir lifir dags.

J: " Hvað segiru þá ! ? "

M: " Fyrirgefðu :( "

Við áttum yndislega stund í Baðstofunni þar sem við spókuðum okkur í potti og gufum, sturtum og steypibaði. Fórum svo inní hvíldarherbergi og jöpluðum á jarðaberjunum. UMMMM.......

Svo tókum við okkur til í rólegheitunum. Keyrt var niður í miðbæ og var ég leidd inná tapasbarinn þar sem við fengum æðislegan mat. Katrín kom svo þangað við mikinn fögnuð og borðaði með okkur. Guðný Helga megaskvís kom svo líka í smá heimsókn þar sem hún hafði ekki mikinn tíma því hún er að flytja til Danmerkur á mánudaginn.

Haldiði að ég hafi ekki fengið pakka líka... oohh þvílíkir öðlingar... en það er nokkuð ljóst að meðal vinkvenna minna ríkir mikill ótti við að " Marriage is a perfect end of good sex life". Þess vegna reyna þær eftir mesta megni að gera þá brotlendingu sem minnst skaðlega með ýmsum hjálpartækjum. Takk fyrir mig elskurnar mínar.

Enduðum svo kvöldið á skemmtilegu pöbbarölti. :) :) :) :) :)

Ó sjúddí-rarí rei.....ó sjúdd-írarí ra...................

Nú er ekki nema ein og hálf vika þangað til við Júlli verðum hjón. Mér finnst það ótrúlega ánægjuleg tilhugsun.